lā uq'simu biyawmi l-qiyāmati
And içirəm qiyamət gününə!
walā uq'simu bil-nafsi l-lawāmati
And içirəm özünü qınayan nəfsə!
ayaḥsabu l-insānu allan najmaʿa ʿiẓāmahu
İnsan elə zənn edir ki, Biz onun sümüklərini bir yerə yığa bilməyəcəyik?
balā qādirīna ʿalā an nusawwiya banānahu
Bəli, Biz onun barmaq uclarını belə əvvəlki hala gətirməyə qadirik.
bal yurīdu l-insānu liyafjura amāmahu
Ancaq insan önündəkini (qiyaməti) yalanlamaq istəyir.
yasalu ayyāna yawmu l-qiyāmati
O (istehza edərək): “Qiyamət günü nə zaman olacaq?” - deyə soruşur.
fa-idhā bariqa l-baṣaru
Göz bərəldiyi zaman,
wakhasafa l-qamaru
Ay tutulduğu zaman,
wajumiʿa l-shamsu wal-qamaru
Günəş və ay bir yerə gətirildiyi zaman,
yaqūlu l-insānu yawma-idhin ayna l-mafaru
O gün insan: “Hara qaçmaq olar?” - deyəcəkdir.
kallā lā wazara
Xeyr! Heç bir sığınacaq yer olmayacaqdır.
ilā rabbika yawma-idhin l-mus'taqaru
O gün gediləcək yer yalnız Rəbbinin hüzurudur.
yunabba-u l-insānu yawma-idhin bimā qaddama wa-akhara
O gün insana etdiyi və təxirə saldığı hər şey xəbər veriləcəkdir.
bali l-insānu ʿalā nafsihi baṣīratun
İnsan özünə qarşı şahidlik edəcəkdir.
walaw alqā maʿādhīrahu
Üzrxahlıq etsə belə (bu ondan qəbul olunmayacaqdır)!
lā tuḥarrik bihi lisānaka litaʿjala bihi
(Ey Peyğəmbər! Cəbrail sənə vəhy gətirdiyi zaman) onu tələm-tələsik oxumaq üçün dilini tərpətmə!
inna ʿalaynā jamʿahu waqur'ānahu
Şübhəsiz ki, onu (sənin yaddaşında) cəm etmək və oxutmaq Bizə aiddir.
fa-idhā qaranāhu fa-ittabiʿ qur'ānahu
Ona görə də Biz onu oxuduğumuz zaman sən onun oxunuşunu izlə!
thumma inna ʿalaynā bayānahu
Sonra şübhəsiz ki, onu bəyan etmək də Bizə aiddir.
kallā bal tuḥibbūna l-ʿājilata
Xeyr! Əksinə, siz tez keçib-gedəni (dünyanı) sevirsiniz.
watadharūna l-ākhirata
Axirəti isə ehmal edirsiniz.
wujūhun yawma-idhin nāḍiratun
Elə üzlər var ki, o gün parıldayacaq,
ilā rabbihā nāẓiratun
Rəbbinə baxacaqdır.
wawujūhun yawma-idhin bāsiratun
Elə üzlər də var ki, o gün qaralacaq,
taẓunnu an yuf'ʿala bihā fāqiratun
Ona belini qıran bir əzab veriləcəyini anlayacaqdır.
kallā idhā balaghati l-tarāqiya
Xeyr! Can boğaza çatdığı zaman,
waqīla man rāqin
“(Şəfa tapması üçün) kim ovsun oxuya bilər?” - deyiləcəkdir.
waẓanna annahu l-firāqu
(Can verən isə) bunun ayrılıq olduğunu anlayacaqdır.
wal-tafati l-sāqu bil-sāqi
Və (ölüm qorxusundan) ayaqları bir-birinə dolaşar.
ilā rabbika yawma-idhin l-masāqu
O gün onun aparılacağı yer Rəbbinin hüzurudur.
falā ṣaddaqa walā ṣallā
O nə sədəqə vermiş, nə də namaz qılmışdı.
walākin kadhaba watawallā
Lakin haqqı yalanlamış və üz döndərmişdi.
thumma dhahaba ilā ahlihi yatamaṭṭā
Sonra lovğalanaraq ailəsinin yanına getmişdi.
awlā laka fa-awlā
Sən buna (bu əzaba) layiqsən!
thumma awlā laka fa-awlā
Yenə də sən buna (bu əzaba) layiqsən!
ayaḥsabu l-insānu an yut'raka sudan
İnsan özbaşına buraxılacağınımı zənn edir?!
alam yaku nuṭ'fatan min maniyyin yum'nā
O, (ana rəhminə) atılan bir nütfə deyildimi?!
thumma kāna ʿalaqatan fakhalaqa fasawwā
Sonra o ələqə (rüşeym) oldu və Allah onu yaradıb surət verdi.
fajaʿala min'hu l-zawjayni l-dhakara wal-unthā
Beləcə, ondan bir cüt - kişi və qadını yaratdı.
alaysa dhālika biqādirin ʿalā an yuḥ'yiya l-mawtā
Elə isə Allah ölüləri təkrar diriltməyə qadir deyilmi?!